Charter Document - 03260255
| Charter Number: | 03260255 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1273 - 1287 |
| Date type: | Assigned |
| Resource Link(s): |
|
Charter:
Excellentissimo domino suo domino Edwardo dei gratia regi Anglie domino Ybernie et duci Acquitanie suus humilis et devotus Stephanus eiusdem miseracione Cycestr ecclesie minister humilis salutem cum omni reverencia et honore Regie celsitudini notum facimus per presentes quod Willelmus dictus Testard de comitatu Sussex propter offensam manifestam excommunicatus a nobis in eadem excommunicacionis sententia per quadraginta dies et amplius pertinaciter perseveravit et adhuc in eadem sordescere non formidat claves ecclesie contempnendo Quocirca vestre sublimitati humiliter supplicamus quatinus ad eius insolenciam reprimendam districcionem quam regia majestas contra excommunicatos exercere consuevit contra ipsum iubeatis inferri ut quod minus valet ecclesia regia potestas suppleat in hac parte Incolumitatem corporis conservet vobis altissimus ad ecclesie sancte regimen et totius regni gubernacionem per tempora diuturna