Charter Document - 03260254
| Charter Number: | 03260254 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 - 1280 |
| Date type: | Internal, Calendar |
| Resource Link(s): |
|
Charter:
Excellentissimo domino suo domino Edwardo dei gratia regi Anglie domino Hybernie et duci Aquitannie suus devotus Stephanus miseracione divina Cycestren ecclesie minister humilis salutem et paratam ad sua beneplacita voluntatem cum omni reverencia et honore Serenitati vestre notum facimus per presentes quod Iohannes de Beauchampe Ricardus de Horton Willelmus Pevening de Sorham et Willelmus Testard de Lancinges de comitatu Sussex propter manifestam offensam excommunicati a nobis in eadem excommunicacionis sententia per quadraginta dies et amplius pertinaciter perseverarunt et adhuc in eadem sordescere non verentur claves ecclesie delusorie contempnendo Quocirca celsitudini regie humiliter supplicamus quatinus ad eorum insolenciam districcionem quam regia majestas contra excommunicatos exercere consuevit contra ipsos precipiatis inferri ut quod ecclesia minus valet regalis potestas suppleat in hac parte Incolumitatem vestram conservet altissimus per tempora longa Datum apud Ferring idus Ianuarii anno domini MCCLXX nono