Charter Document - 03260253
| Charter Number: | 03260253 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, Feast |
| Resource Link(s): |
|
Charter:
Excellentissimo domino suo domino Edwardo dei gratia illustri regi Anglie domino Ybernie et duci Acquitannie suus devotus Stephanus miseracione divina Cycestren ecclesie minister humilis salutem et paratam ad sua beneplacita voluntatem cum omni reverencia et honore Serenitati vestre notum facimus per presentes quod Ricardus de Sutton et Iohannes de Ferles de comitatu Sussex propter offensas manifestas excommunicati a nobis in eadem excommunicacionis sententia per quadraginta dies et amplius pertinaciter perseveraverunt et adhuc in eadem sordescere non formidant claves ecclesie delusorie contempnendo Quocirca celsitudini regie humiliter supplicamus ad eorum insolenciam reprimendam districcionem quam regia majestas contra excommunicatos exercere consuevit contra ipsos precipiatis inferri ut quod minus valet ecclesia regalis potestas suppleat in hac parte Incolumitatem vobis conservet altissimus per tempora longa Datum die exaltacionis sancte Crucis anno domini millesimo ducentesimo septuagesimo nono apud Ferring