Charter Document - 03260252
| Charter Number: | 03260252 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, Calendar |
| Resource Link(s): |
|
Charter:
Excellentissimo domino suo Edwardo dei gratia regi Anglie domino Hybernie et duci Aquitannie Stephanus eiusdem miseracione Cycestren ecclesie minister humilis salutem reverenciam et honorem cum prona complacendi promptitudine Serenitati regie tenore presencium intimamus quod Willelmus dictus Testard de Launcyng laicus tam propter contumacie quam offense sue culpas excommunicacionis sententia canonice innodatus in eadem per quadraginta dies et amplius sordescere non formidat claves ecclesie pertinaciter contempnendo Quocirca magnificencie regie supplicamus quatinus ad eius insolenciam reprimendam districcionem quam regie majestas contra tales secundum regni vestri consuetudinem exercere consuevit contra eum inferri precipiat ut quod minus ecclesia valet in hac parte vestra majestas dignetur supplere Conservet altissimus incolumitatem vestram ecclesie et populo suo per tempora longa Datum apud Cakham vi kalendas Septembris anno domini MCCLXX nono