Charter Document - 03260249
| Charter Number: | 03260249 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 - 1278 |
| Date type: | Internal, Calendar |
| Resource Link(s): |
|
Charter:
Excellentissimo domino suo Edwardo dei gratia regi Anglie domino Ybernie et duci Acquitannie suus devotus Stephanus miseracione divina Cycestr ecclesie minister humilis salutem et paratam ad sua beneplacita voluntatem cum omni reverencia et honore Serenitati vestre notum facimus per presentes quod Robertus de la Grave Iohannes dictus Sahun et Gregorius dictus Kadewally de comitatu Sussex propter contumacias et offensas manifestas et multiplicatas auctoritate ordinaria excommunicati in eadem excommunicacionis sententia per quadraginta dies et amplius pertinaciter perseverarunt et adhuc in eadem sordescere non formidant claves ecclesie delusorie contempnendo Quocirca celsitudini regie humiliter supplicamus quatinus ad eorum insolenciam reprimendam districtionem quam regia majestas contra excommunicatos exercere consuevit contra ipsos precipiatis inferri ut quod ecclesia minus valet regalis potestas suppleat in hac parte Incolumitatem nobis conservet altissimus per tempora longa Datum apud Bissoppeston xi kalendas Aprilis anno domini MCCLXX septimo