Charter Document - 03260243
| Charter Number: | 03260243 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1274 - 1287 |
| Date type: | Assigned |
| Resource Link(s): |
|
Charter:
Excellentissimo domino suo domino Edwardo dei gratia regi Anglie domino Hybernie et duci Aquitannie suus devotus Stephanus miseracione divina Cycestren ecclesie minister humilis salutem et paratam ad sua beneplacita voluntatem cum omni reverencia et honore Serenitati vestre notum facimus per presentes quod Galfridus de Wynton canonicus ecclesie beate Marie in castro de Hasting de comitatu Sussex propter offensam manifestam excommunicatus a nobis in eadem excommunicacionis sententia per quadraginta dies et amplius pertinaciter perseveravit et adhuc in eadem sordescere non veretur claves ecclesie delusorie contempnendo Quo circa regie celsitudini humiliter supplicamus quatinus ad eius insollentiam reprimendam districtionem quam regia maiestas circa excommunicatos exercere consuevit contra ipsum precipiatis inferri ut quod ecclesia minus valet regalis potestas suppleat in hac [parte Incolumi]tatem vobis conservet altissimus per tempora longa Datum apud Amberl xvi kalendas Maii anno []