Charter Document - 03260242
| Charter Number: | 03260242 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1273 - 1287 |
| Date type: | Assigned |
| Resource Link(s): |
|
Charter:
Excellentissimo principi domino Edwardo dei gratia illustri regi Anglie domino Hybernie et duci Aquitannie Stephanus eiusdem miseracione Cycestr ecclesie minister humilis salutem et quicquid potest reverencie et honoris cum prona complacendi promptitudine Serenitati vestre notum facimus per presentes quod Iohannes serviens Alani de Chartres apud West Mesdon Willelmus dictus Blake de Puleburge Iohanna dicta la Noble Iacobus et Willelmus filii Sarre de Novo Ponte et Robertus filius Hawysie de eodem et Baderocus dictus le Mey nostre dioecesis propter suas contumacias pariter et offensas sententia excommunicacionis a nobis innodati per xl dies et amplius perdurarunt pertinaciter in eadem claves ecclesie derisorie contempnendo Quo circa celsitudini vestre supplicamus quatinus ad reprimendam eorum insolenciam velitis apponere iuxta regni vestri consuetudinem brachium seculare ut quod minus valet ecclesia regia majestas plenius suppleat in hac parte Conservet altissimus incolumitatem vestram ecclesie sancte et populo vestro per tempora longa