Charter Document - 03260240
| Charter Number: | 03260240 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1265 |
| Date type: | Internal, Episcopal, Feast |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Stephanus dei gratia Cycestr ecclesie minister humilis salutem in domino sempiternam Noverit universitas vestra nos cartas venerabilis patris bone memorie Huberti quondam archiepiscopi Cantuar et felicis recordationis Seffridi secundi Symonis et Ricardi predecessorum nostrorum et nobilis viri Henrici Hos super ecclesia de la Rogat viris religiosis abbati et conventui de Dureford concessas inspexisse Quorum vestigiis inherentes ecclesiam iamdictam dictis abbati et conventui visa eorum paupertate et religione in usus proprios auctoritate pontificali confirmamus salva vicaria in eadem ad quam dicti abbas et conventus quotiens de iure vacaverit canonice presentabunt ac viginti quinque solidos monachis Sagien solvendos annuatim In cuius rei testimonium presentibus sigillum nostrum duximus apponendum Dat apud Dureford anno domini m ducentesimo sexagesimo quinto pontificatus nostri quarto die sanctorum Cosme et Damiani