Charter Document - 03260239
| Charter Number: | 03260239 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1283 - 1287 |
| Date type: | Assigned |
| Resource Link(s): |
|
Charter:
Sciant presentes et futuri quod nos Stephanus dei gratia Cicestre episcopus dedimus concessimus et hac presenti carta nostra confirmamus Willelmo dicto Cudele pro servitio suo et obsequio nobis familiariter ac fideliter impenso iiii acras et unam peciam terre cum manso in manerio de Preston illas videlicet quas Alexander de Preston aliquando de nobis tenuit habendas tenendas et possidendas predicto Willelmo et heredibus suis de nobis et successoribus nostris episcopis Cicestr libere quiete bene et in pace iure hereditarie imperpetuum reddendo inde annuatim nobis et successoribus nostris iiii solidos ad iiii anni terminos secundum usum et consuetudinem manerii nostri supradicti pro omnibus demandis secta curie et omnibus aliis exactionibus Nos vero et successores nostri predictam terram cum manso prefato Willelmo et heredibus suis warantizabimus et defendemus contra omnes gentes per servitium supradictum Et ut hec nostra donatio concessio et huius carte confirmatio rata et firma maneat imperpetuum presentem cartam sigilli nostri appressione fecimus communiri Hiis testibus magistro Thoma de Bergestede archidiacono Lewene dominis Willelmo de Fordea Stephano de Bergestede magistris Roberto de Wystneston Rogero de Wystryng canonicis Cicestr et multis aliis []