Charter Document - 03260218

Universis sancte matris ecclesie filiis ad quos presentes littere pervenerint Iohannes dei gratia Cycestrens episcopus secundus salutem in domino sempiternam Universitati vestre presentibus notum facimus quod inter dominum Reginaldum de Morshenk rectorem ecclesie de Findone actorem ex una parte et priorem et monachos de Sela reos ex altera super decimis maioribus et minoribus quas dicti prior et monachi infra limites parochie predicte ecclesie de Findone percipiunt et ab antiquo percipere consueverunt primo coram domino archidiacono Berksir iudice a domino papa delegato et aliquando coram suis subdelegatis et tandem coram domino decano Cycestr et collegis suis quibus prior de Calceto Arundell delegatus a domino papa super hoc totaliter commiserat vices suas auctoritate apostolica questio verteretur demum dictus rector inspectis munimentis dictorum prioris et monachorum et de iure ipsorum in dictis decimis plenius certioratus a lite mota penitus desistens ac omni appellationi litterisque omnibus super ipsis decimis impetratis et impetrandis renuncians predictas decimas et quicquid iuris habuit in eisdem vel habere potuit sponte simpliciter et absolute ordinationi nostre supposuit prout in quodam instrumento super hoc confecto sigillo suo signato plenius continetur Nos vero quia comperimus prefatos priorem et monachos omnes dictas decimas longo tempore pacifice possedisse assensumque felicis recordationis Theobaldi Cantuar archiepiscopi et apostolice sedis legati et Hilarii Seffridi Rad[ulf]i secundi et Ricardi secundi episcoporum Cycestrens predecessorum nostrorum et capituli nostri invenisse pro possessione eorum diuturna presumentes in forma subscripta duximus ordinandum videlicet quod predicti prior et monachi de Sela omnes decimas tam maiores quam minores quas prius consueverunt vel deberent percipere secundum quod in cedula super hoc confecta sigillis partium et nostro signata plenius continetur retineant et percipiant inperpetuum quiete integre pacifice et de eisdem pro voluntate disponant absque aliquo supradicti rectoris vel suorum successorum impedimento verum quia predia de quibus decime proveniunt infra limites parochie de Findone sita dinoscuntur cuius nomine agebatur ut ipsius indempnitati consulatur ordinamus quod prefati religiosi solvant prefato rectori et successoribus suis qui pro tempore fuerint duas marcas annuatim ad quatuor anni terminos inperpetuum videlicet in festo sancti Michaelis dimidiam marcam ad Natalem domini dimidiam marcam ad Pascha dimidiam marcam et ad festum sancti Iohannis baptiste dimidiam marcam quas quidem duas marcas rector dicte ecclesie ab eisdem annuatim prius percipere consuevit Volumus nichilominus et providemus quod predicti religiosi dent et persolvant prefato rectori quinquaginta marcas sterlingorum in emptionem prediorum vel reddituum vel edificiorum constructionem ad opus ecclesie memorate seu in alios usus eiusdem necessarios prout ipsi rectori expedire videbitur convertendas In cuius rei testimonium presentibus litteris sigillum nostrum una cum sigillis partium presentem ordinationem approbantium apponi fecimus Act Cycestr in vigilia beati Petri ad vincula anno domini mccl septimo Hiis testibus magistris Iohanne de Coroleto Galfrido de Gates Roberto de Hasting canonicis ecclesie Cycestrens et dominis Thoma rectore ecclesie de Paling Roberto de Purly rectore ecclesie de Chaggelie et Waltero perpetuo vicario de Liministra et aliis