Charter Document - 03260216

Omnibus Cristi fidelibus ad quos presentes littere pervenerint Iohannes dei gratia Cycestr episcopus secundus salutem in domino sempiternam Noverit universitas vestra nos ad presentationem dominorum prioris et monachorum de Sela Willelmum de Beding capellanum ad vicariam ecclesie de Sela vacantem divine caritatis intuitu admisisse ipsumque in eadem perpetuum vicarium instituisse quam quidem vicariam assensu dictorum prioris et monachorum taxavimus et ordinavimus in forma subscripta videlicet quod dictus vicarius et sui successores habebunt competens mansum per loci archidiaconi visum una cum curtilagio ad inhabitandum extra prioratum de Sela in Bedinges per assignationem dictorum prioris et monachorum inperpetuum illud videlicet quod est inter mansum Roberti Dudiard ex parte australi et mansum Matildis ad Northetune ex parte boreali in villa de Beding Et percipient predictus vicarius et sui successores ad sui sustentationem et ad onera ipsius ecclesie sustinenda singulis annis per manum prioris de Sela qui pro tempore fuerit duodecim marcas de bonis eiusdem ecclesie terminis subscriptis scilicet ad festum sancti Michaelis quadraginta solidos ad Natalem domini quadraginta solidos et ad Pascha quadraginta solidos et ad festum nativitatis sancti Iohannis Baptiste quadraginta solidos Dictus vero vicarius et sui successores predicte ecclesie de Sela per ministros ydoneos scilicet per seipsos vel per ydoneum capellanum si ipsi impediti fuerint cum clerico ydoneo sumptibus propriis sufficienter ac honorifice facient deservire in omnibus prout ipsius ecclesie cura parochialis requirit ac omnia alia onera eiusdem ecclesie episcopalia et archidiaconalia debita et consueta sustinebit Prior autem et monachi supradicti et sui successores omnes decimas tam maiores quam minores ac oblationes seu proventus et obventiones quocumque nomine censeantur ad dictam ecclesiam de Sela spectantes seu occasione ipsius provenientes absque diminutione qualibet percipient et in usus proprios convertent inperpetuum Et ut indemnitati ipsorum prioris et monachorum quod ad hoc inposterum prospiciatur providemus quod vicarius predictus et omnes sui successores ac ministri quicumque fuerint dicte ecclesie de servituri ipsis priori et monachis et suis successoribus sacramentum prestabunt fidelitatis in premissis Et ad maiorem partium securitatem volumus et ordinamus quod officialis episcopi vel archidiaconus loci quicumque eorum primo a partibus vel earum una vocatus fuerit possit partem renitentem statim sine strepitu iudiciali ad observationem premisse ordinationis nostre cum partis ipsam observantis interest per censuram ecclesiasticam compellere omnibus exceptione cavillatione et appellatione remotis In cuius rei testimonium sigillum nostrum presentibus apponi fecimus In hiis testibus magistro Godfridus de Gates archidiacono Cycestr domino Symon archidiacono Lewens magistris Iohanne de Coreluto Roberto de Hastinges et domino Roberto de Purlye canonicis ecclesie Cycestr magistro Thoma de Winton domino Waltero capellano nostro domino Thoma vicario ecclesie de Klimping dominis Willelmo rectore de Ovingedene et Willelmo de Hogtone clericis nostris Datum apud Prestone die translationis sancti Benedicti anno domini MCC sexagesimo primo