Charter Document - 03260210

Omnibus Cristi fidelibus presentes litteras inspecturis vel audituris Walterus et Iohannes Norwycensis et Cycestrensis episcopi et Ricardus abbas Westmonasteriensis salutem Cum nobis specialiter per summum pontificem sit iniunctum quod per nos et alios quos ad hoc idoneos viderimus negotium crucis et collectionem decimarum proventuum ecclesiasticorum per regnum Anglie et alias terras regi Anglie subiectas exequamur prout in litteris domini pape nobis super hoc directis plenius continetur nos Lucas archiepiscopo Dublinensi magistro Laurentio de Sumercote et Iohanni de Frissinon in executione dicti negotii crucis crucesignatorum tuitione iustitie exhibitione et collectione decimarum proventuum ecclesiasticorum tam minorum quam maiorum et omnibus articulis dicta negotia contingentibus et sine quibus expedire non possunt per totum regnum Hibernie committimus vices nostras ut ipsi tam per se quam per alios quos ad hoc idoneos elegerint quibus omnibus et singulis vices nostras committimus omnia et singula dicta negotia contingentia exequantur sententias vero quas tulerint in rebelles ratas habebimus et eas faciemus deo auctore inviolabiliter observari Volumus autem quod pecuniam quam receperint in locis tutis deponant quousque a domino rege vel a nobis aliud receperint in mandatis et quod si non omnes hiis exequendis potuerint interesse duo vel unus ea nihilominus exequantur Proviso quod in receptione pecunie et ipsius depositione absque presentia dicti magistri Laurentii vel alterius ab eo specialiter deputati quem de consilio domini regis hiis negotiis preficimus nichil penitus attemptetur Si autem circa dictorum negotiorum executionem dubitatio oriatur damus specialem potestatem dicto magistro eam interpretandi nomine nostro qui in hiis omnibus nostras voluntates novit plenius et processus Transcripta vero litterarum paparium eidem magistro tradidimus quorum quedam sigillo domini regis et nostris quedam nostris tantum quedam Cycestrensis episcopi solummodo fecimus sigillari In cuius [] presentibus sigillum domini regis una cum nostris apponi procuravimus Data []