Charter Document - 03260208
| Charter Number: | 03260208 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1258 - 1259 |
| Date type: | Internal, A.D., Feast |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Iohannes miseratione divina Cycestrens episcopus secundus eternam in domino salutem Ad universitatis vestre notitiam volumus pervenire quod cum inter sancte recordationis Ricardum quondam Cycestrens episcopum predecessorem nostrum et capitulum Cycestrens ex una parte et Willelmus priorem et conventum sancti Pancracii de Lewes ex altera super ecclesia de Brihthelmeston et quibusdam aliis ecclesiis contencio suborta fuisset et demum in discretos viros magistros Robertum de Hastinges et Robertum de Ludelowe hinc inde consensum extitisset ut quod ipsi statuerent firmum permaneret prout in quibusdam instrumentis super hoc confectis plenius continetur Nos prefati predecessoris nostri vestigiis inherere cupientes quod ipso annuente et consenciente cum capitulo Cycestrens a predictis magistris prudenter in premissis ordinatum est ratum et gratum habentes approbamus assignationemque predicte ecclesie de Brihthelmeston iuxta tenorem ipsius ordinationis supradictis religiosis factam et possessionem eiusdem quam postmodum ingressi sunt salva in ipsa perpetua vicaria auctoritate pontificali confirmamus In cuius rei testimonium presenti scripto sigillum nostrum duximus apponendum Actum apud Aldingburn in crastino beate Agathe virginis anno domini millesimo ducentesimo quinquagesimo octavo