Charter Document - 03260202
| Charter Number: | 03260202 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1255 |
| Date type: | Internal, A.D., Feast |
| Resource Link(s): |
|
Charter:
Excellentissimo domino suo Henrici dei gratia illustri regi Anglie domino Hibernie duci Normannie Aquitanie et comiti Andegavie Iohannes eiusdem miseratione Cicestren ecclesie minister humilis salutem et cum omni reverencia honoris et obsequii quantum potest Noverit regie dignitatis vestre sublimitas quod quia frater Willelmus prior de Lewes in hiis que ad solutionem decime ecclesiasticarum proventuum vobis in subsidium terre sancte concesse pertinent diffusis temporum intervallis per litteras et demum viva voce per nos nu[]tur contra iusticiam contumaciter parere contempsit ipsum exigente iusticia excommunicavimus in qua excommunicacionis sententia non solum per quadraginta dies set fere quatuor mensibus duxit persistendum claves ecclesie contempnendo Ea propter [] auxilium brachii secularis invocantes celsitudini vestre supplicamus quatinus quod vestrum est in hac parte taliter exequa[mini] ab aliis in negotio iuris et concessi vobis commodi vel honoris ipsius [contum]acia nullatenus trahatur in exem[plum] Valeat regie dignitatis vestre excellencia semper in domino Datum apud Audingeb die Iovis in septimana Pentecoste anno incarnationis MCCL quinto