Charter Document - 03260200
| Charter Number: | 03260200 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1262 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus ad quos presentes littere pervenerint Iohannes dei gratia Cycestr episcopus secundus salutem in domino sempiternam Noveritis nos intuitu divine retributionis et pro salute anime nostre predecessorum nostrorum et successorum nostrorum considerata diligenter utilitate ecclesie Cycestr dedisse assignasse et tenore presentium confirmasse viginti boves decem vaccas et unum taurum ad manerium de Duringewyk instaurandum ita quod dictum instaurum successoribus nostris episcopis Cycestr in dicto manerio sine diminutione qualibet remaneat imperpetuum pro nullius voluntate inposterum amovendum vel etiam minuendum In cuius rei testimonium presentibus litteris sigillum nostrum apponi fecimus excommunicantes omnes illos qui dictum instaurum amovebunt vel minuent seu aliquid procurabunt per quod supradictum instaurum amoveatur vel etiam minuatur in detrimentum episcopatus et ecclesie Cycestr Dat apud Cacham die dominica proxima post festum sancti Pancratii anno domini mcclx secundo Hiis testibus subscriptis domino Waltero de Glovernia decano Cycestr domino Willelmo de Bracklesham cancellario Cycestr domino Simone de Climping archidiacono Lewens magistris Iohanne de Coruleto et Roberto de Hasting canonicis Cycestr dominis Roberto de Purly et Adam de Suldeslig canonicis Cycestr domino Waltero perpetuo vicario de Icklesham domino Thoma perpetuo vicario de Climping Roberto de Arundell Roberto de Mundeham Willelmo de Hocton clerico et aliis