Charter Document - 03260193
| Charter Number: | 03260193 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1261 - 1262 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Iohannes miseracione divina Cycestr ecclesie minister humilis salutem in domino sempiternam Ad universitatis vestre notitiam volumus pervenire quod cum vir religiosus frater Gervasius de Mota prior sancti Nicholai de Arundel monachus Sagiens decem solidos sterlingorum annui redditus per industriam suam perquisisset per manus Rogeri de Breaute heredum vel assignatorum suorum de Hornesele ballivo de Sringeton [qui] pro tempore fuerit in festo nativitatis sancti Iohannis Baptiste persolvendos ad pitanciam conventus Sagiens eos quantum in ipso erat pia quadam motus affeccione concessit redditus seu proventus ecclesie sancti Nicholai de Arundel prius debitos nullatenus minuendo sed modis omnibus cum ceteris que prius perquirere poterat satagens in sua integritate persistere Et quia plerisque videbatur quod quicquid post susceptam prioratus administracionem utilitatis seu comodi posset adquirere sepedicti prioratus rebus deberet accrescere supplicavit nobis predictus Gervasius prior quod concessionem suam nostri consensus auctoritate firmaremus Predictam igitur concessionem suam ratam habentes et gratam futuris temporibus firmitatis robur optinere volentes assensum prebuimus et presentis scripti testimonio confirmavimus Datum apud Audingeborn die lune proxima post Epiphaniam domini anno domini millesimo ducentesimo sexagesimo primo