Charter Document - 03252095
| Charter Number: | 03252095 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1235 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Cum controversia mota esset inter Iohannem rectorem ecclesie de Findon ex una parte et priorem et monachos de la Sel ex altera super decimis quas monachi infra limites dicte ecclesie percipiebant coram sancti Pauli de Arcubus et de Suwerk decanis tandem partes prenominate in arbitros compromiserunt videlicet magistrum Willelmum thesaurarium Cycestr et dominum Walterum archidiaconum Cycestr et magistrum Iohannem de Climping canonicum Cycestr ita quidem quod predicti tres vel duo eorum in figura iudicii causam examinabunt et quicquid invenerint fuisse extra verum dominicum domini de Breus in parochia de Findon tempore collationis decimarum facte monasterio de Sela ecclesie de Findon integre remanebit Quicquid vero de dominico eodem tempore fuisse constiterit integre et pacifice monasterio de Sel remanebit Si vero super aliqua parte decimarum plene constare non possit utrum de predicto dominico vel extra fuerint predictorum arbitrorum ordinatione terminabitur Compromissum est autem in predictos arbitros sub pena quadraginta marcarum si alterutra pars arbitrio vel ordinationi predictorum arbitrorum non paruerit in pios usus quos dominus episcopus Cycestr providerit convertendarum subiecerunt etiam se partes iurisdictioni domini episcopi Cycestr ut possit ipsas ad solutionem pene si eam contingat committi ecclesiastica censura compellere renunciantes appellationi super hoc et omni iuris auxilio Actum autem fuit hec in presencia domini Rad[ulf]i Cycestr episcopi et capituli Cycestr die mercurii proxima post Epiphaniam domini In cuius rei testimonium partes huic presenti scripto signa sua una cum sigillo domini episcopi apposuerunt