Charter Document - 03251012

Charter Document - 03251012


Charter Number: 03251012
Cartulary Title: Chichester 1215-1253 Volume 22
Charter Language: Latin
Charter Origin: Religious
Charter Type(s): Grant
Date: 1180 - 1204
Date type: Assigned
Resource Link(s): Reference Document for this Embedded Document

Charter:

Universis sancte matris ecclesie filiis ad quos presens scriptum per[venerit] Seffridus dei gratia Cycestr episcopus secundus salutem Cum universis Cristi pauperibus [ad nos] clamantibus iuxta ill[ud] omni petenti te tribue pia miseratione compati deb[eamus] illis precipue audit[um faci]clem prebere et misericordie sinum detegere debemus in [quibus] honesta pau[pertas et] pauper honestas concurrere dinoscuntur Nos igitur sanctimonialium de Almenas[iugi con]templatione deo famulantium paupertatem maximam et honestatem prefulg[idam attend]entes eisdem divine miserationis intuitu de ecclesiis de Climpinges de Rusting [et] de Fordes et de Palinges in quibus ius patronatus optinent concessimus decem et octo marcas nomine pensionis singulis annis percipiendas in hunc modum de ecclesia de Climpinges centum solidos videlicet ad Pascha quinquaginta solidos et totidem ad festum sancti Michaelis de ecclesia de Rustingtone sexaginta solidos eodem modo ad eosdem terminos solv[endos] de ecclesia de Fordres quadraginta solidos simili modo terminis prescriptis de ecclesia de Palinges quadraginta solidos eodem modo ut dictum est et observatis Ut autem hec nostra concessio perpetue firmitatis robur [obtineat eam pre]senti scripto et sigilli nostri appositione confirmavimus Hiis [testibus Ricardo the]saurario magistro Silvestro archidiacono magistro Radulfo de Fordres [magistro Willelmo de] Kaynesham canonicis Cycestr Roberto de Ford capellano Stephano et David clericis et multis aliis