Charter Document - 03250113
| Charter Number: | 03250113 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1247 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus presentes litteras inspecturis Ricardus secundus miseratione divina Cycestr episcopus salutem in domino sempiternam Noveritis nos intuitu dei et auctoritate concilii concessisse dilecto in Cristo filio domino Roberto de Cantuar presbitero vicariam ecclesie de Lymencestr per decanum loci et alios viros fide dignos et iuratos taxatam pro modo facultatum dicte ecclesie Que quidem vicaria consistit in toto altaragio et minutis decimis oblationibus et legatis et quinque marcis de proventibus capelle de Warnecampd annuatim percipiendis ipsum vero Robertum instituimus et in possessionem dicte vicarie induci fecimus corporalem iure nobis salvo pontificali et parochiali salvis tamen monialibus ibidem deo servientibus omnibus decimis garbarum bladi salvo etiam abbatisse et monialibus de Almonesche Saginien dyoecesis iure presentandi vicarium inposterum ad eandem vicariam dicto Roberto cedente vel decedente Vicarius autem qui pro tempore fuerit omnia onera archidiaconalia et synodalia sustinebit Datum apud Terring xviii kalendas Maii pontificatus nostri anno tertio In cuius rei testimonium presentes litteras sigillo nostro fecimus roborari Hiis testibus domino Symone rectore ecclesie de Terring magistris Laurencio de Sumercote officiali nostro Iohanne de Coruleto et Nicholao de Wych domino Willelmo de Cayphas de ordine Hospitaliorum domino Symone de Climpyng canonico Cyc Willelmo de Radyng capellano Radulpho de Saunderasse clerico domino Thoma vicario de Beaus Iohanne Blund et multis aliis