Charter Document - 03250111

Omnibus Cristi fidelibus presentes litteras inspecturis vel audituris Ricardus miseratione divina Cicestr episcopus salutem in domino Ad universitatis vestre notitiam volumus pervenire quod cum Matildus abbatissa et conventus beate Marie de Almenesch totum ius quod optinuerunt in ecclesiis de Climping Paling Rustington et Fordes pure et absolute spontanea voluntate in nos transtulerint prout in earundem litteris exinde confectis plenius continetur nos paupertati et necessitati scilicet accedentes consensu Godfridus decani et capituli ecclesie nostre Cyc invocata spiritus sancti gratia de eisdem ecclesiis ita duximus ordinandum quod de Climping et de Paling ecclesie cum suis pertinentiis cedentibus vel decedentibus earum rectoribus Iohanne de Arundell tunc cancellario Cyc et Thoma de Climping cedant iure perpetuo in usus proprios dictarum monialium salvis vicariis a nobis cum magna deliberatione in hac forma taxatis videlicet quod ad vicariam ecclesie de Climping omnes obventiones altaris et minute decime cum manso prato et terra dicte ecclesie pertinebunt novem acris exceptis terre que iacent in campo de Horsesleye quas dictis monialibus pro necessitatibus domorum horreorum et ortorum assignamus Eedem vero moniales integre percipiant omnes decimas bladi et leguminum et feni de tota parochia extra orto De terra vero vicarii et prato moniales nichil percipient nec etiam vicarius de memorata terra monialium Ad vicarium vero ecclesie de Paling similiter omnes obventiones altaris et minute decime cum manso ecclesie pertinebunt horreis et decimis maioribus scilicet decimis bladi leguminum et feni iuri monialium reservatis de quibus solvent annuatim sexaginta solidos vicario qui pro tempore fuerit ad quatuor anni terminos scilicet in festo sancti Michaelis xv solidos in natali domini xv solidos in Pascha xv solidos in nativitate beati Iohannis Baptiste xv solidos Memorati vero vicarii dictarum ecclesiarum omnia onera debita et consueta ordinaria sustinebunt Ipsis vero cedentibus vel decedentibus ipse moniales personas ydoneas a nobis vel successoribus nostris aut a decano et capitulo ecclesie nostre sede vacante nominandos presentabunt ut a nobis vel ab eisdem decano et capitulo institutionem recipiant canonicam De Rustinton quidem et de Fordes ecclesias adhuc nostre ordinationi reservamus Devotionem vero dictarum abbatisse et monialium attendentes intuitu dei et religionis amore sic duximus providendum quod de omnibus dictis ecclesiis consuetos percipiant pensiones donec prescripte ordinationis nostre in ecclesiis de Climping et de Paling plenum assecute fuerint beneficium Nos vero auctoritate dei et ecclesie nostre Cicestr cui licet indigni presidemus omnes illos qui contra hanc ordinationem nostram venire aut etiam eam malitiose impedire seu in aliquo infringere presumpserit excommunicationis sententia duximus innodandos ad perpetuam vero huius facti memoriam impressione sigilli nostri et sigilli ecclesie nostre decani et capituli presens scriptum fecimus communiri Datum apud sinodum nostrum in ecclesia Cycestr celebratum in festo sancti Dionisii anno domini MCCXLVIII