Charter Document - 03250110
| Charter Number: | 03250110 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1249 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus presentes litteras visuris vel audituris Ricardus secundus permissione divina Cyc episcopus salutem in domino Carta felicis recordationis Seffridi episcopi predecessoris nostri inspeximus in hec verba [] Nos autem prefatam ecclesiam cum decem solidis de ecclesia de Hamptun scilicet ad Pascha quinque solidos et ad nativitatem sancti Iohannis Baptiste quinque solidos et ecclesiam de Lumenist salva vicaria prout ordinavimus cuius collatio spectat ad abbatiam et conventum de Almenesch ad maiorem sui securitatem eis episcopali auctoritate decani et capituli nostri duximus confirmare prohibentes ne aliquis predicte possessiones aut bona quecumque usibus ipsarum monialium assignata auferre minuere aut pertrahere presumat Siquis autem sciens et prudens in salutis sue dispendium et nostre prohibicionis contemptum hanc nostre confirmacionis paginam infringere aut aliquatenus ei contraire presumpserit ille sit anathema In huius confirmacionis testimonium sigillum nostrum una cum sigillo capituli nostri fecimus apponi Datum anno gracie millesimo ducentesimo quadragesimo nono in crastino palmarum