Charter Document - 03250106

In nomine patris et filii et spiritus sancti Amen Ego Rad[ulf]us miseratione dei Cyc ecclesie minister innovata super me omnipotentis dei misericordia humilem faciens de peccatis meis confessionem veniam petens et infra Item volo quod terra mea de Graylingevulle quam emi de Ranulfo de Brok cum terra quam habui de comite Arundell que vocatur Boscus Seman remaneat perpetuo ecclesie mee Cyc et acquietabit servitium debitum de predictis terris dominis capitalibus Volo distribui in anniversario die obitus mei hoc modo quilibet canonicus qui presens fuerit in obsequiis divinis pro me celebrandis de predictis xii marcis ii solidos et quilibet vicarius vi denarios simili modo presens et quilibet capellanus de villa qui presens fuerit iiii denarios Et totum residuum ponatur in pane distribuendo pauperibus eadem die in civitate Cyc Volo quod custodia terre et heredum Simonis de Denton cum maritagio eorundem heredum vendatur per executores meos sicut melius vendi poterunt salva honesta et debita custodia heredum quamdiu erint in custodia et quod non disparagentur et de pecunia illa emantur terre et possessiones de quibus perpetuo possint sustentari tres capellani ministraturi perpetuo pro anima mea et pro fidelibus defunctis in altari Pantaleonis in ecclesia Cyc et quod custodia possessionum predictarum cum empte fuerint et provisio capellanorum sit in dispositione precentoris qui pro tempore fuerit Volo etiam quod donec possessiones emantur remanent terre cum custodia predictorum heredum in custodia E precentoris Cyc qui de proventibus predicte custodie alat pueros videlicet predictos heredes et sustentet tres capellanos ministrantes ut predictum est quemlibet scilicet in sex marcis annuis Et si tribus capellanis non possit sufficienter provideri de predicta pecunia provideatur saltem duobus competentibus Volo quod domus quas Ranulfus episcopus predecessor meus emit prope Sanctum Sepulchrum extra Neuegate remaneant perpetuo decano et capitulo Cycestr De domibus meis gardinis et aliis perquisitis London circa easdem domos ex utraque parte vici sic ordino quod remaneant de dono meo iure perpetuo ecclesie Cycestr et successoribus meis episcopis Cyc reddendo servitia debita dominis capitalibus Item volo quod terre mee perquisite scilicet de Depemers et terra que vocatur Bruillius Regis et terra que vocatur Quenerude quas habui de domino rege Henrico item terra que vocatur Hauedecroft et terra que vocatur Castelway quas habui de abbate de Sag item terra et boscus quos habui de Savarico de Bohun item terra et boscus qui fuerunt Iohannis Coci qui vocatur Hauedstok Sumeresdale salvo redditu debito decano et capitulo Cyc scilicet xviii solidorum remaneant perpetuo ecclesie mee Cycestr et successoribus meis episcopis Cyc Item volo quod omnia perquisita mea in manerio de Amberl et de Recham remaneant perpetuo ecclesie mee Cyc et successoribus meis episcopis Cyc et simili modo perquisita alia in episcopatu meo videlicet in maneriis episcopatus