Charter Document - 03250090
| Charter Number: | 03250090 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1231 |
| Date type: | Internal, A.D., Calendar, Episcopal |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos presens scriptum pervenerit Radulphus secundus dei gratia Cicestren episcopus domini regis cancellarius salutem in domino Ad universorum notitiam volumus pervenire quod cum nobilis vir Iohannes de Braosa pia ductus consideratione concessisset et carta sua confirmasset pro se et heredibus suis imperpetuum quantum ad laicum pertinebat priorisse et monialibus de Ruspar ecclesiam de Horseham cum omnibus ad eam pertinentibus in proprios usus illarum convertendam et postea super estimatione proventuum ipsius ecclesie diligens ad mandatum nostrum facta fuisset inquisitio habita super estimatione proventuum ipsius ecclesie diligens ad mandatum nostrum facta fuit inquisitio habita super premissis deliberatione diligenti et considerata tenuitate et insufficientia domus de Ruspar considerata etiam competenti et honesta sustentatione vicarii qui imperpetuum eidem ecclesie ministrabit ita ordinamus de eadem videlicet quod priorissa et moniales dicte domus de Ruspar quasdam certas portiones de predicta ecclesia de Horsham predictam imperpetuum percipient scilicet totam decimam bladi ad ecclesiam ipsam pertinentem et cum terris pratis boscis redditibus assisibus et homagiis ad ipsam ecclesiam pertinentibus et cum portione gardini prout certis limitibus est per nostram provisionem distinctum et cum molendino etiam quod fuit persone eiusdem ecclesie excepta decima quam habebit imperpetuum vicarius dicte ecclesie de eodem molendino excepto etiam quodam clauso circiter tres acras continente quod fuit persone ipsius ecclesie ante istam ordinationem a nobis factam et iacet ultra stagnum molendini predicti ex parte australi et protenditur usque ad idem stagnum a parte aquilonis quod quidem clausum vicario predicto inperpetuum assignamus excepto etiam manso que fuit persone ipsius ecclesie cumj portione gardini prout certis limitibus a nobis est provisum quod etiam eidem vicario assignamus imperpetuum Assignavimus etiam eidem vicario omnes obventiones altaris omnes minutas decimas necnon et decimas feni et molendinorum preter decimam feni de dominico eiusdem ecclesie quam percipient imperpetuum priorissa et moniales dicte domus de Ruspar Ita quidem quod vicarius perpetuus qui pro tempore in predicta ministrabit eadem ecclesia sustineat omnia onera debita et consueta ecclesiam supradictam contingentia imperpetuum Providimus etiam quod propter parochie amplitudinem et parochianorum multitudinem vicarius qui pro tempore in eadem ecclesia ministrabit secum habeat unum capellanum socium et duos ministros idoneos scilicet diaconum et subdiaconum ad ministrandos cum eo in eadem ecclesia Ad hanc autem vicariam sic taxatam admisimus divine pietatis intuitu Rogerum de Walyngford capellanum ad presentationem dictarum priorisse et monialium de Ruspar ipsumque in ea vicarium perpetuum canonice instituimus salvo nobis et successoribus nostris imperpetuum iure pontificali et parochiali Hiis testibus magistro Iohanne de Arundell tunc officiali nostro et Ernisio de Tywa canonicis Cicestr Waltero decano de Cumb et Roberto de Becco capellanis magistro Herveo phisico Willelmo de sancto Martino et Ada de Seldesleg clericis meis Herveo Cornub Rogero Marescallo et aliis Dat apud Ruspar septimo idus Novembris anno gratie MCC tricesimo primo pontificatus nostri anno octavo