Charter Document - 03250083
| Charter Number: | 03250083 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus presentes litteras inspecturis vel audituris Rad[ulfu]s secundus divina miseratione Cicestr ecclesie minister humilis eternam in domino salutem Cartam bone memorie nobilis viri Gilberti de Aquila super advocatione ecclesie de Lahton dilectis in Cristo filiis priori et conventui sancte Trinitatis de Michelham ab eo pietatis intuitu concessa inspectione diligenti tractantes eisdem canonicis quibus proprie facultates ad eorum sustentationem minus sufficienter suppetere dinoscuntur antedictam ecclesiam divini amoris intuitu in favorem sacre religionis ad augmentum divini cultus et hospitationis sectationem in usus proprios auctoritate pontificali concedimus et inperpetuum possidendam confirmamus salva nobis et successoribus futuris temporibus ordinatione vicarie decem marcarum quam cito dictam ecclesiam vacare contigerit reservata nihilominus nobis et successoribus inperpetuum vicarie memorate collatione Ut hec autem nostra concessio et confirmatio nulli vertatur in dubium presentem paginam signo nostro fecimus communiri salvo quoque nobis et successoribus iure pontificali et parochiali in ecclesia memorata volentes ut quicumque hanc ordinationem et confirmationem infringere vel ei ausu temerario presumpserit contraire omnipotentis dei indignationem se noverit incursurum Hiis testibus [] Dat apud Aldyngb vi kal Maii pontificatus nostri anno xx