Charter Document - 03250068
| Charter Number: | 03250068 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1228 - 1229 |
| Date type: | Assigned |
| Resource Link(s): |
|
Charter:
R dei gratia Cycestr episcopus domini regis Angl cancellarius dilecto sibi in Cristo Dunekano filio Iohannis salutem in domino Scribimus amico nostro dilecto magistro Matheo Scotto cancellario Scotie rogantes quod tresdecim marcas quas nobis debetis pro termino Pentecost proximo preterito anno videlicet regni Henrici regis Angl duodecimo nomine firme de terra de Segm ratione custodie terre et heredis Dunekani de Lascel in manu nostra existentis liberari faciat ad opus nostrum fratri Arnulfo preceptori Scotie Unde ne laboret in vanum nuntius noster quem propter hoc ad partes Scotie dirigimus vobis mandamus rogantes quod nisi nuntius noster dictum cancellarium invenerit vos dictam firmam pro termino Pentecost proximo preterito et deinceps de anno in annum in eodem termino liberetis ad opus nostrum predicto Arnulfo preceptori Scotie donec huiusmodi mandatum vel viva voce vel per litteras nostras patentes revocamus In cuius rei testimonium has litteras nostras patentes fieri fecimus Valete