Charter Document - 03250066

Universis sancte matris ecclesie filiis ad quos presens scriptum pervenerit Radulfus secundus dei gratia Cycestr episcopus domini regis cancellarius salutem in domino Ad universitatis vestre notitiam volumus pervenire quod nos pensatis et consideratis tenuitate decanatus Cyc et multiplicatis honeribus que decano incumbunt tam in residentia facienda quam in expensis gravibus et sumptuosis quas decanus necesse habet continue sustinere de consensu decani et capituli Cyc assignavimus in perpetuum ecclesiam de Audigeburn decano Cycestr ita quod eadem ecclesia decetero cedat in usus illius qui pro tempore fuerit decanus et inseparabiliter decanatui sit annexa salva vicario dicte ecclesie de Audingeburn qui pro tempore fuerit perpetua vicaria per predecessores nostros in eadem vicaria taxata et assignata Prebende quoque de Wodehorn propter ipsius tenuitatem de consensu predictorum decani et capituli adiunximus et consolidamus ecclesiam de Amberl que fuit membrum prebende de Aldingeb ita quod de eis una sit decetero et censeatur prebenda et deserviatur per sacerdotem Et ne antiquus numerus prebendarum in ecclesia Cycestr minuatur aliquo modo vel decrescat de consensu iamdictorum decani et capituli providimus et statuimus quod ecclesia de Wiseberg que etiam fuit membrum prebende de Aldingeburne decetero sit prebendalis et per se censeatur prebenda et deserviatur per subdiaconum Et ut hec ordinatio ad honorem dei et ecclesie Cyc facta futuris valeat temporibus eam presenti scripto sigillo nostro et sigillo capituli munite fecimus roborari Hiis testibus magistris Thoma de Lichefeld decano Eustachio de Leveland cancellario Willelmo Durand archidiacono Cyc Reginaldo de Winton archidiacono Lewens []