Charter Document - 03250049
| Charter Number: | 03250049 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1218 - 1222 |
| Date type: | Assigned |
| Resource Link(s): |
|
Charter:
Omnibus hoc scriptum visuris Ranulfus divina miseratione Cicestren ecclesie minister humilis salutem in domino Ad omnium volumus notitiam pervenire nos ad instantiam domini Reginaldi Aguilun patroni ecclesie de Islesham caritatis intuitu dedisse et concessisse deo et ecclesie sancte Marie Magdalene de Tortyntun et canonicis ibidem deo servientibus et in perpetuum servituris duas partes decimarum totius bladi pertinentium ad ecclesiam de Islesham salva earundem decimarum tertia et tota libera terra dicte ecclesie cum pertinentiis suis et obventionibus et minutis decimis capellano ab eodem Reginaldo vel heredibus suis ponendo qui in eadem ecclesia divina celebrabit Memorati vero canonici specialioribus benefactoribus suis specialius volentes se obligari fideliter promiserunt et carta sua caverunt quod de consensu prefati Reginaldi vel successorum suorum canonicum in prefata ecclesia de Tortynton assignabunt qui pro salute sua et successorum suorum divina celebrabit in perpetuum Ut autem hec nostra ordinatio stabilis et firma perseveret eam presenti scripto testimonio sigilli nostri appositione roboravimus salvo nobis et successoribus nostris imperpetuum iure pontificali et parochiali Hiis testibus Roberto de Amberleye senescallo nostro magistro Iohanne de Arundell Thoma de Warnham Iohanne de Herlaue Willelmo de Cicestr Ernisio clericis []