Charter Document - 03250036
| Charter Number: | 03250036 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus hoc scriptum visuris Ranulfus divina miseratione Cycestr ecclesie minister humilis salutem in domino Iustas preces parit petentium necessitas et pia personarum religiosarum meretur audiri devotio et litigantium protervitas est compescenda et lites odiose potius sepeliende quam suscitande extinguende potius quam agitande Hinc est quod dilectorum filiorum prioris et monachorum Lew querelas multiplices preces et sollicitationes continuas frequentes pulsationes ulterius sustinere nolumus in exauditas graviter conquerentium quod portiones ecclesiarum in Suthsex eis appropriate et pensiones de ecclesiis antique et debite et decime etiam in episcopatu Cycestr eis in proprios usus assignate fiunt eis difficiles et ecclesiarum prelati super hiis dem eis sunt iniuriosi et molesti propter instrumentorum originalium de premissis non apparentium defectum quibusdam ut asserunt antiquitate demolitis quibusdam propria in curia deperditis quibusdam etiam ob nimiam confidentiam prelatorum non impetratis Supplicant igitur frequenter et instanter ut ea que canonice adepta in presentiarum possident ecclesiastica beneficia confirmare digna remus eisdem Nos igitur ad instantiam eorum diligenti facta inquisitione per clericos decanatuum seniores adiuratos in quibus predicti monachi sunt beneficiati invenimus ecclesiam de Stedeham cum capella de Hecsete eisdem monachis teneri in antiqua et debita pensione annua quadraginta solidorum Unde et eisdem predictam pensionem concedimus et confirmamus salvo nobis et successoribus nostris in perpetuum iure pontificali et parrochiali Testibus Roberto de Amberle capellano magistro Iohanne de Arundell Godefrido de Wesenham Ernisio de Tywa Thoma de Berinnggeham Iohanne de Herlaue clericis et aliis Dat per manum Godefridi apud Bissopestun tertio idus Martii pontificatus nostri anno tertio