Charter Document - 03250032
| Charter Number: | 03250032 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Instruction |
| Date: | 1218 - 1222 |
| Date type: | Assigned |
| Resource Link(s): |
|
Charter:
Rannulfus dei gratia Cicestr episcopus dilecto sibi in Cristo filio domino decano de Hasting salutem gratiam et benedictionem Cum aliquando abbas et conventus monachorum de Bello ordinis sancti Benedicti mera ac spontanea voluntate sua ius patronatus quod habuerunt in ecclesia de Iclesham ex dono nobilis matrone domine Sibille de Iclesham in nos transtulerint et nos processu temporis eandem ecclesiam caritatis intuitu per resignationem Roberti de Shotyndon clerici dictis monachis in proprios usus contulerimus ac etiam in corporalem possessionem eiusdem eos induxerimus reservata tamen nobis vicaria in eadem ordinanda ac perpetuo a nobis et successoribus nostris conferenda ut ex instrumentis ordinationis nostre et confirmationis capituli nostri super hoc confectis plenius apparet mandamus vobis quatinus vocatis coram vobis ad diem certum et locum rectoribus et decanatus vestri vicariis dictam ordinationem nostram ac ius et possessionem eorundem monachorum recitetis ac pupplicari faciatis Bene valete