Charter Document - 03250006
| Charter Number: | 03250006 |
|---|---|
| Cartulary Title: | Chichester 1215-1253 Volume 22 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1216 - 1217 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis tam presentibus quam futuris Richardus divina miseratione Cicestren ecclesie minister humilis salutem in domino Ad universitatis vestre notitiam volumus pervenire nos auctoritate episcopali confirmasse dilecto in Cristo filio Harding capellano perpetuam vicariam ecclesie de Westwightinge volens ut eam habeat ita integre et possideat ita pacifice sicut unquam Robertus de Wikes eiusdem ecclesie vicarius eam habuit et possedit vel aliquis alius ante tempora nostra omnem eiusdem vicarie ordinationem que sine auctoritate episcopali vel eius qui vices episcopi de iure potuit supplere facta est irritam habentes et inanem Et ut hec nostra confirmatio robur habeat perpetue firmitatis cum episcopali auctoritate et sigilli nostri appositione corroboramus Hiis testibus Ada abbate de Waverle Iohanne capellano nostro magistro Luca canonico Cic magistro Henrico Tessin Henrico clerico nostro Valentino et multis aliis