Charter Document - 03249011
| Charter Number: | 03249011 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1206 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Iohannes Dei gratia Norwicensis episcopus salutem in Domino Noverit universitas vestra nos ob favorem divini obsequii concessisse et hac presenti carta nostra confirmasse dilecto filio Henrico filio Geroldi de assensu magistri Hugonis persone matricis ecclesie de Mundeford videlicet ut idem Henricus habeat capellam suam infra septa curie sue de Mundeford et capellanum suum in ea divina ministrantem quem idem Henricus suis sumptibus honorifice exhibebit ita quod capellanus qui in ea ministrabit prestabit iuratoriam cautionem antequam ministret in eadem quod sine delatione persolvet matrici ecclesie omnes obventiones quas in predicta capella recipiat nec aliquid inde in usus proprios retinebit Hiis t[estibus] magistro Alexandro de sancto Albano magistro Roberto de Tywa Iohanne de Uffingtun Rogero de Norwic Germano clerico Alano de sancto Eadmundo David de Ruddebi et aliis Dat apud Norwicum per manum Roberti de Dunelm pridie nonas Martii pontificatus nostri anno sexto