Charter Document - 03249002
| Charter Number: | 03249002 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1146 - 1173 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Willelmus Dei gratia Norwicensis episcopus salutem Ex testimonio dilecti filii nostri Rogeri archidiaconi nostri et Walteri decani nostri et totius capituli de Discia plenam fidem firmamque certitudinem tenemus quod Ulfketell presbiter in pleno capitulo recognovit duas partes decimarum totius dominii de Theveton ad ius monasterii de Croiland et monachorum eiusdem loci pertinere et a multis retro temporibus pertinuisse et quod idem Ulfketell presbiter easdem decimas suscepit de predictis monachis tenendas tota vita sua reddendo eis pro predictis decimis annuatim v solidos infra octavas sancti Michaelis fide ipsius interposita Hanc igitur iuris sui recognitionem futuris temporibus insinuantes easdem decimas duas scilicet partes decimarum totius dominii de Thelveton memoratis monachis de Croiland confirmamus et episcopalis auctoritatis testimonio corroboramus et Rogero archidiacono Waltero decano magistro Stangrimo magistro Nicholao Rogero clerico Ricardo de Rising decano Unsy clerico Willelmo de Discia Daniele de Sympling Gaufrido de Burston Ricardo de Ridon Willelmo de Criuland filio Goscelini et aliis pluribus huius rei testibus