Charter Document - 03248010
| Charter Number: | 03248010 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Inspeximus, Confirmation |
| Date: | 1205 |
| Date type: | Internal, Calendar, Episcopal |
| Resource Link(s): |
|
Charter:
Omnibus ad quos presens scriptum pervenerit Iohannes Dei gratia Norwicensis episcopus salutem in Domino Inspeximus cartam Morelli de Merleia in qua continetur quedam portiuncula terre que est iuxta portam mansionis ecclesie de Flicham a capite vadi sicut calcea vadit usque ad stagnum molendini Anselmi de Hillingeton quam ipse Morellus testatur in predicta carta ad ecclesiam de Flicham pertinere de qua portiuncula coram nobis contentio [erat] inter G de Norf et magistrum D de Merleia personam eiusdem ecclesie Hanc igitur concessionem predicte portiuncule terre cum calcea ecclesie de Flicham factam eidem ecclesie et eiusdem rectoribus in perpetuum confirmamus et ad huius rei testimonium huic instrumento sigillum nostrum apposuimus Hiis testibus magistro Roberto de Glouc magistro Rannulfo de Harpe magistro Roberto de Tywa Hunfrido Iordano capellanis David de Rudebi Alano de sancto Eadmundo Dat apud Torp per manum magistri G de Dierham secundo die Septembris pontificatus nostri anno quinto