Charter Document - 03242096
| Charter Number: | 03242096 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1227 |
| Date type: | Internal, Calendar, Episcopal, Feast |
| Resource Link(s): |
|
Charter:
Universis presentes litteras inspecturis Thomas Dei gratia Norwicensis episcopus salutem in Domino Ad universorum notitiam volumus pervenire nos intuitu Dei et religionis favore concessisse et dedisse priori et canonicis de Pentneye quos sancta erga Dominum devotio et apud homines honeste vite conversatio reddunt multipliciter commendatos ecclesiam Omnium Sanctorum de Shotesham cum omnibus pertinentis suis in proprios usus perpetuo possidendam salva honesta sustentatione vicarii qui pro tempore in prefata ministrabit ecclesia salvis etiam nobis et successoribus nostris reverentia et honore et sancte Norwicensis ecclesie consuetudinibus debitis et consuetis In huius rei testimonium presentes litteras fieri fecimus et sigillo nostro muniri Dat apud Geywode duodecimo kalendas Augusti pontificatus nostri anno primo