Charter Document - 03241037
| Charter Number: | 03241037 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1234 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Gregorius episcopus servus servorum Dei venerabili fratri episcopo et dilectis filiis decano Norwicensi et priori sancte Fidis Norwicensis diocesis salutem et apostolicam benedictionem Querelam prioris ac conventus de Buttele recepimus continentem quod abbas et conventus de Leyston Premonstratensis ordinis et quidam alii Norwicensis Lincolnienis et Londoniensis diocesum super terris decimis debitis et rebus aliis iniuriantur eisdem Ideo discretioni vestre per apostolica scripta mandamus quatinus partibus convocatis audiatis causam et apellatione remota fine debito decidatis facientes quod decreveritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint per censuram eandem apellatione cessante cogatis veritati testimonium perhibere Quod si non omnes hiis exequendis potueritis interesse tu frater episcope cum eorum altero ea nichilominus exequaris Datum Reatum quinto kalendas Augusti pontificatus nostri anno octavo