Charter Document - 03241019
| Charter Number: | 03241019 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1219 |
| Date type: | Assigned |
| Resource Link(s): |
Reference Document for this Embedded Document |
Charter:
Notum sit omnibus presentibus et futuris quod ego Robertus filius Ricardi de Wrstede divine pietatis intuitu et pro salute anime mee et omnium antecessorum meorum et successorum concessi et dedi et hac presenti carta mea confirmavi Deo et ecclesie sancte Trinitatis de Norwico et monachis ibidem Deo servientibus advocationem ecclesie sancte Marie de Wrstede cum capella sancti Andree eiusdem ville et cum omnibus ad eas pertinentibus et omne ius quod habui in eisdem in liberam puram et perpetuam elemosinam solutam et quietam inperpetuum de me et heredibus meis Et ut hec mea concessio et donatio firma et stabilis inperpetuum perseveret eam presenti scripto et sigilli mei appositione corroboravi Hiis testibus domino G de Bochland Iohanne de Wrstede Ricardo de Seng Iordano de Saukevill tunc iusticiariis itinerantibus Norff magistro Alano de Becles Fulcone Bainyad Willelmo le Enveyse Hardrico de Claverham Adam de Rathlesdane Ricardo Colet magistro Ricardo de Stowe Ricardo de Ingewrth et aliis