Charter Document - 03240154
| Charter Number: | 03240154 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Inspeximus, Confirmation |
| Date: | 1226 - 1236 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum visuris vel audituris Willelmus Dei gratia Norwicensis episcopus salutem in Domino Ad universorum volumus notitiam pervenire nos inspexisse cartas et confirmationes predecessorum nostrorum episcoporum Norwicensium bone memorie Iohannis primi Iohannis secundi et Thome de Blunvile in quibus concesserunt et confirmaverunt abbati et conventui de Derham ecclesias sancti Petri et Andree de Derham et sancti Petri de Riglonde et medietatem ecclesie de Holcam et de Thorpe et ecclesiam de Riglonde cum omnibus pertinentiis suis in usus proprios ad sustentationem fratrum pauperum et hospitum perpetuo possidendas Nos igitur predictas cartas et confirmationes approbantes intuitu Dei et religionis favore concessimus et presenti pagina confirmavimus predictis dilectis nostris abbati et conventui ecclesias supradictas videlicet ecclesiam sancti Petri de Derham et medietatem ecclesie de Thorpe integre cum omnibus suis pertinentiis et ecclesias sancti Andree de Derham et sancti Petri de Riglonde et medietatem ecclesie de Holcam per predecessores nostros taxatas sicut carte ipsorum testantur salva etiam dignitate reverentia et obedientia nobis et successoribus nostris et sancte Norwicensi ecclesie debita et consueta In cuius rei testimonium fecimus presens scriptum sigillo nostro muniri Hiis testibus