Charter Document - 03240153
| Charter Number: | 03240153 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1241 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus presentes litteras inspecturis Willelmus Dei gratia episcopus Norwycensis salutem in Domino Noverit universitas vestra nos dilectis nobis in Cristo abbati et conventui de Waltham ecclesiam de Geistweyt quam Thomas de Blumvil bone memorie quondam Norwycensis episcopus de assensu sui conventus in usus proprios eisdem concedebat auctoritate nostra confirmasse insuper etiam ecclesias de Geyste et Geystorp et portionem quam in ecclesia de Skeming retro temporibus optinebant una cum portione quam optinent in ecclesia sancti Petri de Northun Taxationes vicariarum de Geystweyt de Geyst et de Skemingg factas per dominum Iacobum de Elmham sede Norwycensi vacante de speciali gratia comprobantes eisdem pariter confirmavimus In huius autem rei testimonium sigillum nostrum presentibus duximus apponendum Dat apud Elmham quintodecimo kalendas Decembris pontificatus nostri anno tertio