Charter Document - 03240152

Omnibus Cristi fidelibus ad quos presens scriptum pervenerit Willelmus Dei gratia Norwicensis episcopus salutem in Domino Noverit universitas vestra quod cum inter dilectos in Cristo filios priorem et conventum Norwicenses ex una parte et Paulinum rectorem ecclesie de Threxton ex altera super decimis duarum garbarum de dominico quondam Wigani Britonis in villa de Threxton in quarum possessione utraque pars se asseruit extitisse coram nobis controversia mota fuisset tandem partibus ipsis post multas altercationes hinc inde habitas se super hiis ordinationi nostre simpliciter et absolute supponentibus communicato virorum prudentium consilio et dilectorum filiorum prioris et conventus de Castelacra patronorum ecclesie supradicte consensu interveniente ita duximus providendum videlicet quod eedem decime cum pertinentis pacifice remaneant prefate ecclesie de Threxton et eius rectoribus inperpetuum absque omni reclamatione et impedimento predictorum prioris et conventus Norwicensium qui singulis annis inperpetuum in festo Annunciationis Dominice percipient a rectore predicte ecclesie qui pro tempore fuerit x solidos apud Norwicum pro decimis antedictis qui si in huiusmodi solutione cessaverit per nos et successores nostros ad satisfactionem debitam compelletur Et predicti prior et conventus Norwicenses omni iuri quod in predictis decimis et aliis quibuscumque in parrochia dicte ecclesie de Threxton sitis tempore huius nostre ordinationis habuerunt vel qualitercumque potuerunt habere pro se et ecclesia Norwicensi inperpetuum renuntiarunt predicta decem solidorum perceptione contenti Ut igitur ea que coram nobis acta sunt in hac parte perpetue robur optineant firmitatis presenti scripto in modum cyrographi confecto sigillum nostrum unacum sigillis partium et patronorum predictorum duximus apponendum Dat per manum Rogeri archidiaconi Suffolch apud Norwicum idibus Aprilis pontificatus nostri anno quarto