Charter Document - 03240146
| Charter Number: | 03240146 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1241 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Willelmus Dei gratia Norwicensis episcopus salutem in Domino Cum cunctis divino obsequio deputatis ut eorundem devotio pastoris benignitate pistoris recipiat incrementum episcopalis auctoritas manus porrigere debeat pietatis hiis qui religionis habitum deferentes contemplationibus insistunt ne sucgillationibus fraudulentis ipsorum tranquillitas perturbetur impendetur gratia merito dilatata Hinc est quod dilectorum nobis in Cristo filiorum abbatis et conventus de Pratell precibus inclinati super iure et possessione ipsorum in decimis et obventionibus quas retro temporibus habuerunt in villa de Audeby et de Hadesco et de Costes diligenter fecimus fieri inquisitionem et cum per eandem nobis constabat evidenter quia in prefatis villis a tempore cuius non extabat memoria sine interruptione temporis pacifice decimas et obventiones quasdam perceperunt nos ius et possessionem eorundem approbantes decimas et obventiones quas hactenus ita percipere consueverunt pontificali auctoritate eisdem confirmamus In cuius rei testimonium presenti scripto sigillum nostrum duximus apponendum Datum apud Northelmeham xviii kalendas Decembris pontificatus nostri anno tertio