Charter Document - 03240142
| Charter Number: | 03240142 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1241 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Willelmus Dei gratia episcopus Norwicensis salutem in Domino Cum ecclesia de Elmeham divisa sit in personatum et vicariam ac de quibusdam proventibus ipsius ecclesie minus certum esset utrum ad personatum vel ad vicariam pertinerent cum super taxatione vicarii instrumentum auctenticum non appareret nos volentes omnem dubitationem tollere in hac parte tam de consensu Simonis prioris et conventus Norwicensium qui personatum optinent in eadem ecclesia quam Hugonis vicarii quid ad personatum et quid ad vicariam de universis proventibus dicte ecclesie debeat pertinere declaravimus in hunc modum videlicet quod in parte vicarie cedere debeant unus mansus cum edificiis prope ecclesiam ex parte occidentali et decem acre libere terre arabilis et omnes oblationes obventiones et minute decime cum decimis pisorum et fabarum totius parrochie de Elmeham et etiam omnes decime tam maiores quam minores provenientes ex quingentis acris tene arabilis et ex tota libera terra quam prior et conventus Norwicenses retinuerunt in dominico suo tempore taxationis eiusdem vicarie que quidem terre in prima dicte vicarie taxatione eidem assignabantur pleno iure decimabiles et similiter omnes decime tam maiores quam minores provenienties ex novem acris terre arabilis quarum tres acre et dimidia iacent super Stonhull de terra quondam camerarii in duabus peciis et una aera iacet apud Botme[re] de terra Elye le Kedere et due acre iacent iuxta terram eiusdem Elye de terra Simonis Ymein et tres dimidie acre in eadem cultura de terra Ricardi Sparuwe et una aera de terra Henrici Ringe in eadem cultura cum omnibus decimis feni turbarie et molendinorum ita quidem quod nullus vicarius aliquo tempore amplius de proventibus dicte parrochie sibi possit vendicare Totum autem residuum ad personatum debet pertinere videlicet omnes decime cuiusque bladi totius dicte parrochie de Elmeham tam de terris ab antiquo excultis quam de novalibus pasturis et assartis ad culturam redactis et quocumque tempore redigendis in perpetuum Hanc autem declarationem in perpetuum ratam et firmam haberi volentes eam pontificali auctoritate confirmavimus et ut perpetue firmitatis robur optineat huic scripto in modum cyrographi confecto sigilla dictorum prioris et conventus ac vicarii alternatim unacum sigillo nostro apponi fecimus Dat per manum magistri Rogeri Pincerne archidiaconi Subir apud Norwicum xii kalendas Decembris pontificatus nostri anno tertio