Charter Document - 03240138
| Charter Number: | 03240138 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1240 |
| Date type: | Internal, A.D., Calendar |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Willelmus de Ralegh Dei gratia episcopus Norwicensis salutem in Domino Noverit universitas vestra quod cum dilecti in Cristo prior et monachi de Longavilla per testes fidedignos iuratos et examinatos nobis constare facerent quod de ecclesia sancte Marie de Wichingeham quindecim marcas de ecclesia sancte Fidis de Wichingeham tres marcas de ecclesia de Weston sex marcas de ecclesia de Stratton unam marcam et de ecclesia de Stokeby quinque marcas annuatim beneficii nomine quadraginta annis elapsis et amplius pacifice percepissent nos possessionem ipsorum in hac parte perturbare nolentes portiones prenotatas eis in pace dimisimus ipsas episcopali auctoritate confirmantes eisdem Norwicensis ecclesie per omnia iure salvo Quod ut perpetuam optineat firmitatem presenti scripto sigillum nostrum duximus apponendum Dat London per manum Philippi de Sydeham capellani nostri vi kalendas Iulii anno Domini millesimo ducentesimo quadragesimo