Charter Document - 03240135
| Charter Number: | 03240135 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1240 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos presens scriptum pervenerit Willelmus Dei gratia episcopus Norwicensis salutem in Domino Noverit universitas vestra quod inspectis cartis bone memorie Thome episcopi predecessoris nostri et capituli nostri Norwicensis per quas dilectis in Cristo abbati et conventui de Haghmon ecclesiam de Hunstanton in proprios usus concesserunt et confirmaverunt concessionem et confirmationem predictam ratam habemus et eam quantum in nobis est confirmamus salva imperpetuum ipsius ecclesie vicaria per nos taxata sub hac forma videlicet quod vicarius qui pro tempore fuerit ad nostram et successorum nostrorum nominationem a predictis abbate et conventu presentandus habebit nomine vicarie totum altaragium tam ipsius ecclesie quam capelle sancti Edmundi et decimas molendinorum et omnes minutas decimas excepta decima maris et decem et octo acras terre arabilis cum prato quod vocatur Redmedewe et mansum vicarie prius assignatum et omnia onera eiusdem ecclesie episcopalia et archidiaconalia perpetuo sustinebit Quod ut perpetuam optineat firmitatem presenti scripto sigillum nostrum duximus apponendum Hiis testibus magistris Willelmo de Clara Rogero Pincerna et Waltero de Exon [] Dat per manum Philippi de Sydeham capellani nostri apud Fakenham iii kalendas Novembris anno Domini millesimo ducentesimo quadragesimo