Charter Document - 03240132

Omnibus Cristi fidelibus ad quos presens scriptum pervenerit Willelmus Dei gratia episcopus Norwicensis salutem in Domino Noverit universitas vestra nos ad presentationem dilectorum filiorum prioris et conventus de Eya patronorum et personarum ecclesie Omnium Sanctorum de Donewico dilectum in Cristo filium Iohannem de Sunbume capellanum prius eis nominatum a nobis ad perpetuam ipsius ecclesie vicariam per nos sub forma subscripta taxatam admisisse ipsumque in ea canonice vicarium perpetuum instituisse cum onere ministrandi personaliter in eadem Idem vero Iohannes et successores sui eiusdem ecclesie vicarii habebunt et tenebunt inperpetuum nomine vicarie a predictis monachis ecclesiam ipsam cum omnibus ad eam pertinentibus sine qualibet diminutione solvendo monachis ipsis singulis annis nomine personatus viginti et unam marcas argenti ad quatuor terminos subscriptos videlicet ad natale Domini quinque marcas ad Pascha quinque marcas ad festum nativitatis sancti Iohannis Baptiste quinque et ad festum sancti Michaelis sex marcas sub pena quatraginta solidorum totiens nobis vel successoribus nostris solvendorum quotiens in aliquo terminorum ipsorum cessatum fuerit in solutione predicta Et vicarius honera ipsius ecclesie tam episcopalia quam archidiaconalia perpetuo sustinebit salvo nobis et successoribus nostris quotiens vicariam ipsam vacare contigerit iure nominandi personam presentandam ad eandem et ipsis monachis presentandi nominatam salvis etiam in omnibus episcopalibus consuetudinibus et Norwicensis ecclesie dignitate Quod ut perpetuam optineat firmitatem presenti scripto sigillum nostrum duximus apponendum Hiis testibus magistris Galfrido de Fering tunc officiali nostro Waltero de Sufeud et Waltero de Exon Iohanne de Chelebauton Iohanne de Leoministr Thoma de Breccles et Willelmo de Dunkeswell clericis et aliis Dat per manum Philippi de Sydesham capellani nostri aput Blafeud iii kalendas Ianuarii pontificatus nostri anno primo