Charter Document - 03240127
| Charter Number: | 03240127 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1239 - 1243 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Willelmus Dei gratia Northwicensis episcopus salutem in Domino Noverit universitas vestra nos ad prosentationcm dilectorum filiorum prioris et conventus de Castelacra Iohannem de Wautun capellanum ad perpetuam vicariam parochialis ecclesie de Castelacra admisisse ipsumque in ea vicarium perpetuum canonice instituisse cum onere ministrandi personaliter in eadem salvis in omnibus episcopalibus consuetudinibus et Nortwicensis ecclesie dignitate Consistit autem dicta vicaria in toto alteragio ipsius ecclesie exceptis decimis lane lini canabi agnorum et molendinorum que ipsis monachis remanebunt Vicarius autem solvet singulis annis eidem priori et monachis x libras cere de ea que venerit ad altare infra octavas Purificationis et omnia onera eiusdem ecclesie ordinaria consueta et debita sustinebit In cuius rei testimonium presenti scripto sigillum nostrum duximus apponendum Dat apud Suthelmam iiii idus Novembris