Charter Document - 03240117
| Charter Number: | 03240117 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1233 |
| Date type: | Internal, Episcopal, Feast |
| Resource Link(s): |
|
Charter:
Omnibus Cristi fidelibus presens scriptum inspecturis Thomas Dei gratia Norwycensis episcopus salutem in Domino Ad universorum volumus notitiam pervenire nos divine pietatis intuitu et favore religionis concessisse dedisse et hac presenti carta nostra confirmasse dilectis in Cristo filiis abbati et canonicis de Derham ecclesiam sancti Andree de Derham cum omnibus ad eam pertinentibus que de ipsorum advocatione esse dinoscitur in proprios et perpetuos usus convertendam et habendam ipsosque personas canonice instituisse in eadem salva honesta sustentatione perpetui vicarii nobis et successoribus nostris pro tempore ab ipsis presentandi qui in eadem ecclesia ministrabit quam per dilectum nostrum R archydiaconum Norfolch officialem nostrum sic fecimus taxari videlicet ut vicarius totum habeat alteragium et insuper de libera terra vel de decimis eiusdem ecclesie sive de utrisque ad valentiam trium marcarum ita scilicet quod singulis annis pro tribus marcis possit dari ad firmam salvis etiam nobis et successoribus nostris debita obedientia et reverentia [et] sancte Norwycensis ecclesie consuetudinibus debitis vel consuetis In cuius rei testimonium presentem cartam fieri fecimus et sigillo nostro muniri Dat apud Thorp dominica Palmarum pontificatus nostri anno septimo