Charter Document - 03240109

Omnibus Cristi fidelibus presens scriptum visuris et audituris Thomas Dei gratia Norwycensis episcopus salutem in Domino Ad omnium volumus pervenire notitiam nos Dei causa et religionis favore concessisse dedisse et presenti carta nostra confirmasse dilectis in Cristo filiis priori et canonicis de Spineto ecclesiam eiusdem ville videlicet ecclesiam parochiale sancte Marie de Wykes cum omnibus ad ipsam pertinentibus que de ipsorum canonicorum patronatu ratione collationis eis nobili viro Hugone Malebyse et Beatrice uxore sua facte esse dinoscitur in proprios usus suos perpetuo habendam et possidendam post decessum dilecti filii in Cristo Hugonis de Knyvetone nunc eiusdem ecclesie rectoris Interim autem volumus et concedimus ut dicti prior et canonici omnino unius marce pensione[m] de predicta ecclesia de voluntate predicti H rectoris percipiant eis singulis annis in synodo Suffolch paschali solvendam salva honesta sustentatione vicarii in dicta ecclesia pro tempore ministraturi nobis vel successoribus nostris secundum facultates eiusdem ecclesie providenda et taxanda ad quam vicariam quotiens vacare contigerit dicti prior et canonici personam ydoneam quemcumque voluerint nobis et successoribus nostris presentabunt et nos eundem sine difficultate instituemus Si autem dicti prior et canonici presentare omiserint vel neglexerint nos et successores nostri quemcumque voluerimus ipsis irrequisitis nichilominus instituemus vicarium in eadem ecclesia salvis etiam in omnibus reverentia et obedientia nobis et successoribus nostris et sacrosancte Norwycensis ecclesie consuetudinibus debitis vel consuetis In cuius rei testimonium presentes literas fieri fecimus et sigillo nostro muniri Dat apud Colecestr sextodecimo kalendas Februarii pontificatus nostri anno quarto