Charter Document - 03240107
| Charter Number: | 03240107 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1228 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Cum nobilis vir Hugo Malebyse et Beatrix uxor eius pro salute animarum suarum et predecessorum suorum et successorum quendam locum qui dicitur Spinetum in villa de Wykes aptum religioni cum quinquaginta quinque acris terre arabilis versus aquilonem et cum marisco versus austrum usque ad filum cum omnibus suis pertinentis Deo et beate Marie et in honore sancte crucis ad sustentationem trium canonicorum regularium concesserint et dederint et cartis suis confirmaverint nos laudabile eorum propositum in hac parte attendentes predictum locum cum omnibus pertinentis suis auctoritate episcopali confirmamus et sub protectione nostra et sacrosancte Norwycensis ecclesie suscipimus magistro Herveo canonico predictis H Malebyse et B uxore sua nobis presentato et canonicis ibidem Deo pro tempore famulantibus dictum locum cum pertinentiis suis et possessionibus assignatis confirmantes salvis in omnibus reverentia et obedientia nobis et successoribus nostris et sacrosancte Norwycensis ecclesie consuetudinibus debitis vel consuetis In cuius rei testimonium presentes litteras fieri fecimus et sigillo nostro muniri Dat apud Thornh manerium kalendas Maii pontificatus nostri anno secundo