Charter Document - 03240104
| Charter Number: | 03240104 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1229 - 1233 |
| Date type: | Assigned |
| Resource Link(s): |
|
Charter:
Omnibus Cristi fidelibus presentes literas inspecturis Thomas Dei gratia Norwicensis episcopus salutem in Domino Ad universorum notitiam volumus pervenire nos admisisse dilectum nobis in Cristo Thomam clericum ad perpetuam vicariam ecclesie de Crattefeld cum omnibus ad ipsam pertinentibus ad presentationem prioris et conventus sancti Neoti ipsumque Thomam clericum vicarium perpetuum in eadem instituisse salva dictis priori et conventui sancti Neoti portione quam in eadem habere noscuntur Et ne futuris temporibus inter dictos priorem et conventum sancti Neoti et dictum Thomam vicarium super portionibus suis oriatur dissentio portionem dicti vicarii per dilectum filium magistrum R de Billn[eia] archidiaconum Norfolch in hunc modum taxari fecimus videlicet quod dictus vicarius habebit totum altaragium et medietatem liberarum terrarum ad dictam ecclesiam pertinentium et totam decimam bladi de dominico domini ville et medietatem fenorum ville et decimam molendinorum Totum autem residuum cedet in usus dictorum prioris et conventus sancti Neoti salvis etiam in omnibus reverentia et obedientia nobis et successoribus nostris et sancte Norwicensis ecclesie consuetudinibus debitis vel consuetis In cuius rei testimonium []