Charter Document - 03240103
| Charter Number: | 03240103 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1242 |
| Date type: | Internal, Episcopal, Feast |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Ad universorum notitiam volumus pervenire nos Dei causa et religionis favore concessisse et presenti carta confirmasse dilectis nobis in Cristo priori et monachis sancti Neoti ecclesiam de Bertunebinnedich cum omnibus ad ipsam pertinentibus habendam tenendam et perpetuo possidendam in proprios usus post decessum vel recessum Rogeri de Elmham capellani eiusdem rectoris Concessimus etiam et confirmavimus dictis priori et monachis sancti Neoti ut de predicta ecclesia de Berton quamdiu dictus Rogerus capellanus vixerit x marcas annuas percipiant ex ordinatione nostra salva honesta et competenti vicaria per nos vel successores nostros in dicta ecclesia pro tempore taxanda secundum facultates ecclesie per nos vel successores nostros cuicumque voluerimus inperpetuum conferenda salva etiam possessione et iure dicto R capellano quod in eadem habere dinoscitur quoad vixerit salvis etiam in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis et consuetis In cuius rei testimonium presentes litteras fieri fecimus et sigillo nostro muniri Dat apud Elmham manerium nostrum die sancti Iohannis Baptiste pontificatus nostri anno sexto